最近甚少在香港露面的陳慧琳(Kelly),昨日在銅鑼灣出席活動時,力撐Twins接棒獲得亞太區女歌星獎實至名歸。問到為何缺席樂壇頒獎禮,Kelly淡然地說:「出去就唔想叉番隻腳入去。」 楊千嬅、陳奕迅(Eason)及Kelly昨日以Samsung香港區及澳門區奧運火炬手身份,出席鬧巿活動,Eason與千嬅在台上密密斟有講有笑,而Kelly只企在另一邊,看似備受冷落。對於神聖任務,三人均大感光榮,並表示會加緊訓練,為2008年北京奧運出力。
去年未有出碟的Kelly,對於Twins接棒勇奪「亞太區最受歡迎女歌星獎」,她表示對方是其心水,大讚Twins在內地形象好,對於Twins被質疑是組合並不是女歌手,獲獎資格成疑,Kelly說:「(佢)都,都冇其他人到。(下年你?)唔喇!出去唔想叉番隻腳入去,去頒獎禮又要出席好多畀面派對,下年都會出碟。(有獎都唔去?)暫時唔諗,做嘉賓都OK,但參與比賽就唔好喇!內地頒獎禮都少去。」
至於代表澳門的千嬅就笑說:「冇所謂,衝出香港。」她又表示稍後將再次參加10公里挑戰賽:「上次跑完好有滿足感。(加碼賽程?)再加就21公里,我驚猝死!」訓練有素的千嬅希望可現場觀賞奧運,她說:「不過酒店滿晒,黎生(黎明)係北京可能有物業,如果係就問佢借宿一宵,叫晒全公司迎奧運,最多保證唔整爛。」
Eason迎奧恨穿高衩短褲 而調皮的Eason昨日突然變得正經,他笑言要育下一代薪火相傳的道理,談到服飾,Eason笑說:「大會都有制服,但如果可以,希望背心同高衩短褲,似跑手嘛!(家人到場見證?)最衰唔可以一齊跑,都會支持!」他又表示最想看中國女排和跳水項目,並會託人撲飛。

|